wasu malaman islamiyyu sun sauke Ganduje daga matsayin khadimul islam

Wasu manyan malaman islamiyya a jahar kano sun sauke gwamnan kano Dr Abdullahi Umar Ganduje daga matsayin khadimul islama Idan baku manta ba tun bayan bullar cutar nan ta coronovirus gwamnatin kano ta dauki matakin garkame makarantun boko da Allo dama islamiyyu da kuma gidajen kwallon kafa dama gidajen da ake gudanar da bukukuwa da kuma kasuwannin jahar kano da nufun kare kai daga wannan annamimiyar cuta, Amma bayan daukar wasu tsawan lokuta ahankali ahankali zaa iya cewar anbude gurare dayawa amma banda makarantun islamiyyu dana boko amma kuma a baya bayannan anbude wasu makarantun bokon da nufun wasu dalibai suje su zana jarabawar WAEC da NECO, Kusan zaa iya cewa wannan daliline yasa wasu malaman islamiyyu bude makarantun su amma sai gashi ana bunsu ana kamawa, Wasu malaman islamiyyu dake tarauni sun bayyana cewa yakamata gwamna Ganduje ya duba wannan Al’amari duba da yanda ake masa lakabi da khadimul islama ya wai wayi makarantun islamiyyu domin suna cikin wani hali, Da muka tattauna da wani malamun islmaiyya wanda ya bukaci a sakaye sunansa yace daga yau sun sauke Gwamna Ganduje daga matsayin khadimul islama domin har yanzu yakiyin wani hobbasa domin bude wadannan makarantu, Kamar yanda kuka sani de anbude gidan kwallon kafa da gidajen bukukuwa amma kuma haryanzu islamiyyu sun gagata budewa   HausaTrustThe admin user of HausaTrust.com.

Continue reading

shin kunsan dinbun masoyan da suka tarbi tsohon sarki sunusi a Kaduna?

Tsohon sarki sunusi ya samu tarbar masoya masu dunbun yawa a ciki da wajan jahar Kaduna Tsohon Sarkin Kano Muhammadu Sanusi II ya ziyarci gwamnan jihar Kaduna Malam Nasir El-Rufai. Wannan ce dai ziyara ta farko da sarkin ya kai wata jiha ta Najeriya tun bayan da ya tare a Legas bayan cire shi daga sarauta a watan Maris. A wani saƙo da gwamnan ya wallafa a shafinsa na Twitter, ya ce Sarki Sanusi ya yi alƙwarin yin iya bakin ƙoƙarinsa a matsayinsa na shugaban Jami’ar Kaduna, da kuma mataimakin shugaban hukumar bunƙasa zuba jari ta jihar. Kwanaki kaɗan ne bayan cire sarkin daga sarauta gwamna El-Rufai ya ba Sarkin waɗannan muƙaman   HausaTrustThe admin user of HausaTrust.com.

Continue reading

Sabuwar Rigima Abba Kabir Yusif Ya Maka Ganduje a Kotu

Abba Kabir Yusuf, mutumin da gwamnan jihar Kano Abdullahi Umar Ganduje ya kayar a zaben gwamna na shekarar 2019, ya gurfanar da Ganduje a gaban kuliya. Sai dai wannan karon ba batu ne na zargin yin magudin zabe ba. Abba Kabir Yusuf ya shigar da kara gaban kotu yana mai kalubalantar matakin da Gwamna Ganduje ya dauka na mallaka wa wasu fitattun ‘yan kasuwa, otal din Daula da kuma tashar motoci ta Shahuci da ke cikin birnin na Kano. Lauyan tsohon dan takarar gwamnan, Barista Bashir Yusuf, ya ce hakan ya ci karo da kundin tsarin mulkin Najeriya da yake magana kan hakkin mallakar ƙasa ko fili. Sai dai bangaren gwamnati ya ce har yanzu ba su da labarin shigar da karar. Abin da ya faru a kotu Kazalika lauyan Abba Kabir Yusuf ya ce akwai batun bashi na gina layin dogo mai amfani da lantarki da gwamnatin ta shirya ciyowa daga kasar China wanda ya ce idan aka karbo za a jefa Kano a cikin mawuyacin hali na durkushewar tattalin arziki. Sai dai lauyan gwamna wanda kuma shi ne Kwamishina Shari’a na jihar Kano, Barista Musa Lawan, ya ce ko kadan babu kanshi gaskiya a cikin labaran da ake yadawa game da bayar da filayen. Tashar mota da ke Shahuci na cikin wuraren da aka kai kara a kansu.Image caption: Tashar mota da ke Shahuci na cikin wuraren da aka kai kara a kansu. Ya ce an bai wa wani kamfani tashar motar zamani ta Shahuci ne don yin shaguna na zamani da zai sayar da su ga ‘yan kasuwa kamar yadda gwamnatin jihar ta yi a kasuwar Dangauro da ke titin Zaria a Kano. Ya kara da cewar layin dogon kuma tsohon aiki ne domin kuwa sai da gwamnati ta sami amincewar Gwamnatin Tarayya sannan ita kuma gwamnatin China ta bayar da bashin da ake magana a kai. Barista Musa Lawan ya ce otal din Daula ma kwatankwacin hadin guiwa da gwamnatin Kano ta shiga da sauran kamfanoni ne amma ba ta mallakawa kowa shi ba. A cewarsa, hasalima tana duba yiwuwar yadda za a bai wa masu sha’awar zuba jari dama, sannan kasuwar zamani za a samar a wurin kamar dai yadda shi mai kamfanin ya nema. Idan baku manta ba de Abba Kabir Yusif shine dan takarar daya fu kowa farin jini a Najeriya a shekarar 2019 HausaTrustThe admin user of HausaTrust.com.

Continue reading

Akwai yiwuwar Ganduje Zai fuskanci Gori Kan Bidiyon Dala a Zaben Edo

Cacar baki ta ɓarke tsakanin manyan ‘yan siyasa biyu game da zaɓen gwamnan jihar Edo da ke kudu maso kudancin Najeriya. Wani bidiyo na yawo a shafukan sada zumunta inda gwamnan jihar Ribas, Nyesom Wike, wanda shi ne jagoran kamfe na PDP a zaben gwamna a jihar Edo yana zolayar gwamnan Kano, Abdullahi Ganduje cewar ‘dala’ ba za ta yi tasiri ba a zaben. Kalaman na Wike sun kasance martani ga shugaban yaƙin neman zaɓe na APC, wato Gwamna Ganduje wanda bayanai suka ambato shi yana cewa kafin zaɓen gwamnan jihar Edo, ‘za mu kai Wike wurin killace masu cutar korona’. A shekarar 2018 aka wallafa wasu bidiyon gwamna Ganduje yana sunkuma Daloli a Aljihunsa Ko da yake mukarraban Ganduje sun ce bidiyon ba sahihi ba ne. Gwamna Wike, a jawabinsa wajen kaddamar da kwamitin kamfe na PDP a Abuja, ya ce ‘babu wanda zai buɗe mana ido kan zaɓen jihar Edo’. “Na karanta a jaridu cewa Gwamna Ganduje ya ce za a kai ni wajen killace masu fama da cutar korona har sai an kammala zaɓen Edo, shin wa ya kamata a kai cibiyar?,” in ji Wike. Gwamna Wike ya ƙara da cewa abin da bai sani ba shi ne cewa “mu mutanen Neja Delta za mu karɓi dala sannan mu juya masa baya. Ganduje dalarka ba za ta yi aiki ba a Edo”. Batun zaɓen gwamnan jihar Edo na ci gaba da jan hankali sosai a Najeriya musamman tsakanin ‘ya’yan manyan jam’iyyun siyasar ƙasar watau APC da PDP inda kowacce ke kokarin ganin ita ce ta yi nasara. A ranar 19 ga watan Satumba ne za a yi zaɓen tsakanin gwamna Godwin Obaseki na PDP da kuma Fasto Ize Iyamu na APC. Akwai yiwuwar dai gwaman Ganduje zai iya fuskantar Gori na siyasa awajan yayan jamiyyar PDP musamman a jahar Edo, HausaTrustThe admin user of HausaTrust.com.

Continue reading

Kungiyar Izala Tayi Mubayi’a Ga Sabon Shugaban cin APC

Kungiyar Izala Tayi Mubayi’a Ga Sabon Shugaban cin APC yayin wata ziyara da shugaban izalar sheikh Bala lau, ya kaiwa mai mala buni, Kungiyar Izala de an dade ana zargin ta da marawa gwamnatin APC baya kusan mutane sun dogara ne da rashin magantuwa kan abubuwan da suke faruwa a kasa baki daya, Kowa yasan yanda malaman izala suke daukar zafi kan duk wani abu dayake Faruwa ba dede ba, amma sai gashi suna bun gwamanti sau da kafa musamman ma shugabannin kungiyar, HausaTrustThe admin user of HausaTrust.com.

Continue reading

fadar shugaban kasa ta dakatar da Ibrahim magu

Wata majiya me karfi ta nuna cewa fadar shugaban kasa Buhari ta dakatar Ibrahim magu kamar yanda BBC ta bayyana Fadar shugaban kasa ta dakatar da Ibrahim Magu daga shugabancin hukumar da ke yaki da masu yi wa tattalin arziki ta Najeriya EFCC. Wata majiya mai karfi da ta bukaci a sakaya ta daga Fadar shugaban Najeriya ce ta tabbatar wa da BBC Hausa hakan a ranar Talata. A ranar Litinin ne Ibrahim Magu ya bayyana a gaban kwamitin da shugaban kasa ya kafa domin bincike kan zargin da ake yi masa na aikata ba daidai ba. Kwamitin – karkashin jagorancin tsohon mai shari’a Ayo Salami – ya gayyaci Mr Magu ne domin jin ta bakinsa kan abubuwan da suka shafi jagorancinsa a hukumar ta EFCC. Kamar yanda BBC ta ruwaito, Wasu majiyoyi a Najeriya sun tabbatar cewa Magu ya kwana a tsare a hannun jami’an tsaro saboda ba a kammala binciken da aka soma ba a ranar Litinin. HausaTrustThe admin user of HausaTrust.com.

Continue reading

tonon silili || shin dagaske fantami ya sayawa matansa uku gidaje a Abuja?

tonon silili || shin dagaske fantami ya sayawa matansa uku manyan gidaje masu tsada a Abuja? Ma’aikatar sadarwa ta Najeriya ta musanta wasu labarai da ke ta yawo a kafafen sada zumunta na kasar cewa Minista Dakta Ali Isa Pantami ya sayawa matanshi uku gidaje a Abuja. Cikin wata sanarwa da mai magana da yawun ma’aikatar Uwa Suleiman ta fitar ta ce wannan batu ba shi da tushe balle makama. Sanarwar ta ce “labarin jaridar intanet ta Sahara Reporters ta wallafa da ke zargin cewa ministan ya sayawa matansa uku gidajen a Abuja karya ne. Tun da ministan ya kama aiki a bai sayi gida ko daya ba, kuma gidan da yake zaune ciki ya kama shi ne tun a watan Janairun 2017, shekara biyu kenan gabanin ya kama aiki”. sanarwar ta kuma ce sauran gidaje biyun da jaridar ta wallafa ba ma a san daga inda ta samo su ba. Bugu da kari ta yi kira ga al’ummar kasar da su yi watsi da wannan kokarin bata wa Minista Ali Pantami suna da ake kokarin yi HausaTrustThe admin user of HausaTrust.com.

Continue reading

zamuci zaben edo ko da inconclusive ne – Gwamna Ganduje

Zamuci zaben jahar edo ko da inconclusive ne jim kadan bayan nada Ganduje a matsayin shugaban yakin neman zaben gwamnan jahar edo. Jama’a dayawa basuyi mamakin nada gwamna Ganduje a matsayin shugaban kwamitin yakin neman zaben gwamna a jahar Edo ba. Musamman yanda ake ganin gwamnan a matsayin wanda ya samu nasara bayan cire tsammani da magoya bayansa sukai, Wani futaccen dan Gandujiyya Abdullahi Abubakr kiru ya bayyana cewa tunda aka nada Ganduje a matsayin shugaban yakin neman zaben osaze ize-iyamu, zasu ci zabe koda da inconclusive ne, Idan baku manta ba wannan kwamiti za a rantsar dashi ne a ranar 6 ga wannan wata damuke ciki a babbar sakatariyar APC a Birnin tarayya Abuja. Nadin Ganduje de a wannan matsayi yasa mutane dayawa a jahar kano zargin cewa dama uwar jam iyya ta kasa tana sane da yanda aka gudanar da zaben kano, Shiyasa ma suke kokarin nada Ganduje a matsayin shugaban yakin neman zaben gwamnan na edo, Lokaci de shine bamu damar sanin dalilin dayasa akai wa Gwamna Ganduje wannan babban mukami a Jam iyyar APC,   HausaTrustThe admin user of HausaTrust.com.

Continue reading

‘yan sanda zasu biya ‘yan shi’a kimanin miliyan 15 a matsayin diyya

‘yan sanda zasu biya ‘yan shi’a kimanin miliyan 15 a matsayin diyya bayan zargin da sukai na an kashe musu mutane 3 kuma an hanasu gawar waki. Wata babbar kotun tarayya a Abuja, ta umarci ‘yan sandan Najeriya su biya ‘yan kungiyar Shi’a mabiya Shaikh Ibrahim Elzakzaky Naira miliyan 15 saboda kisan ‘ya’yan kungiyar uku yayin wata zanga-zanga a Abuja. Kotun wacce ta yi zamanta a Abuja babban birnin kasar ta kuma umarci babban asibitin kasa ya bayar da gawarwakin uku nan take domin yi musu jana’iza. A ranar 22 ga watan Yulin 2019 ne aka kashe wasu mabiya kungiyar ta Shi’a yayin wata zanga-zanga da ta rikide zuwa tarzoma. Alokacin zanga-zangar su ma ‘yan sanda sun yi zargin cewa ‘yan Shi’a sun kashe dan sanda, zargin da kungiyar ta IMN ta musanta. Lauyan kungiyar ta IMN Bala Isa Daku ya ce sun garzaya kotun ne bayan hukumomi sun ki ba da gawawwakin domin yi musu jana’iza Kamar yanda Addini ya tanadar. A hukuncin kotun karkashin mai shari’a Taiwo Taiwo, ya ce ‘yan sanda za su biya Naira miliyan ga kowanne mamaci a matsayin diyyar kisan da aka yi. Sai dai kotun ta yi watsi da bukatar cewa a tilasta wa ‘yan sanda su nemi afuwar kisan. Kamar yanda kuka sani de har yanzu shugaban kungiyar yan uwa musulmi ta shi’a wato sheikh Ibrahim El zakzaky de yana hann. Kusan zaa iya cewa ruke wannan babban malami shine dalilin dayasa mabiyansa ke yawan yin zanga zangar.   HausaTrustThe admin user of HausaTrust.com.

Continue reading

Innalillahi wa inna ilaihirrajuun || Ansamu Yawai Mata Masu Cikin Shege Bayan Rufe Makarantu

Innalillahi wa inna ilaihirrajuun Ansamu yawaitar matan da suke samun cikin shege bayan rufe makarantu, sabida bullar korona, Jami’ai a Kenya sun ce ana samun karuwar ‘yan matan da ke yin ‘cikin shege’ a kasar, musamman tun bayan sanya matakan takaita zirga-zirga sakamakon barkewar annobar cutar korona a watan Maris.kamar yanda BBC ta ruwaito, Wasu bayanai da ma’aikatar lafiya ta saki sun nuna cewa a yanki daya kawai an samu ‘yan mata dubu hudu da suka yi ciki tun farkon shiga shekarar nan. An rufe makarantu a fadin kasar a tsakiyar watan Maris a wani bangare na daukar matakan kariya da gwamnati ta yi. Hukumomin sun nuna damuwa cewa a mafi yawan lokuta dangin ‘yan matan ne ake samu da hannu a lamarin. Jami’ai sun kuma nuna fargabar cewa yawan na iya fin haka saboda ba a faye bayar da rahotanni kan cikin ‘yan mata ba. Shugabannin siyasa a yankunan Kenya 47 sun nemi gwamnati da ta yi bincike kan karuwar adadin. Kenya ce take da mafi yawan ‘yan matan da ke yin ciki a duniya, inda ake samun haihuwa 82 daga cikin 1,000. HausaTrustThe admin user of HausaTrust.com.

Continue reading